6 mart 2011 15:00
Millimizin sabiq üzvünü liderlikdən məhrum etdilər
Türkiyə Bank Asiya birinci liqasında 24-cü turun oyunları keçirilib. Azerisport.az xəbər verir ki, millimizin sabiq üzvlərindən olan Ernani Pereyralı “Mersin İdman Yurdu” dogma meydanda “Erciyesspor”u qəbul edib.
Bu qarşılaşmada qələbə qazanmaqla, birdən-birə zirvəyə yüksəlmək şansına malik olan Mersin təmsilçisi bu qarşılaşmada ağır zərbə alıb. Son turlarda aldığı ardıcıl qələbələrlə özündən kifayət qədər söz etdirən Ertoğrul Sağlamın komandası meydandan 1:2 hesablı sürpriz yenilgiylə ayrılıb. Millimizin sabiq üzvü bu dəfə də əsas heyətdə meydana çıxıb və 90 dəqiqə meydanda olub.
“Mersin İdman Yurdu” bu yenilgi nəticəsində 36 xalla 4-cü pillədə qalıb.
