10 mart 2011 01:37
Milan`la Valencia da ÇL ilə vidalaşdı (YENİLƏNİB)
Çempionlar Liqasının 1/8 final mərhələsinin cavab oyunlarına start verilib. Azerisport.az xəbər verir ki, ilk oyunlarda olduğu kimi, UEFA yenə 4 görüşü bu, digər 4 qarşılaşmanı isə gələn həftəyə təyin edib.
Bu görüşlər arasında ilk oyunda səfərdə məğlub olmuş “Barcelona” ilə dogma meydanda acı yenilgiylə üzləşmiş “Roma” cavab matçına qisas üçün çıxmışdı. İspanların işi daha asan idi. Səfər qoluna imza atmış La Liqanın lideri, “Arsenal”ı dogma meydanda qəbul edirdi və məhz bu amil onların növbəti mərhələyə vəsiqə qazanmasına çox kömək etdi. İtaliya paytaxtının təmsilçisinin işi isə daha çətin idi. İlk oyunda hələ Ranyerinin çalışdırdığı “canavarlar” o zaman ukraynalılara 2:3 hesabıyla uduzmuşdu ki, bunun əvəzini çıxmaq üçün mütləq 2 top fərqi ilə qalib gəlmək tələb olunurdu. Lakin elə ilk hissədə azlıqda qalan və penaltidən yararlana bilməyən Vinçentso Montellanın komandası nəticədə özü 3 cavabsız qol buraxaraq, ÇL ilə vidalaşdı.
Digər görüşlər isə bu gün baş tutub. “Schalke” ilk oyunda Raulun sayəsində onun həmyerliləri ilə dueldə sərfəli nəticə qazanmışdı ki, bundan cavab matçında da maksimum yararlanmağa borclu idi. Almanlar görüşdə erkən qola üzülsə də, sonradan toparlanıb əzmkar qələbəyə imza atdılar və adlarını növbəti mərhələyə yazdırdılar. “Tottenham” isə ilk oyunda bir qədər də qabağa gedib, İtaliya A Seriyasında cari mövsüm at oynadan “Milan”a qalib gəlmişdi. Odu ki, cavab matçında italyanların möcüzə yaradıb-yaratmayacağı maraqla gözlənilirdi. Lakin qonaqların bütün cəhdlərinə baxmayaraq, ingilislərin müqavimətini qırmaq cəhdləri faydasız qaldı. Beləcə, mühüm səfər qələbəsi "Tottenham"i 1/4 finala çıxardı.
Çempionlar Liqası
1/8 final, cavab oyunları
8 mart
Barcelona (İspaniya) – Arsenal (İngiltərə) - 3:1 (ilk oyun, 1:2)
Qollar: Messi, 45; 71, Xavi, 69 - Buskets, 53-öz qapısına.
Shakhtar (Ukrayna) – Roma - 3:0 (İtaliya) (3:2)
Qollar: Hübşman, 18, Villian, 58, Eduardo, 87.
Matçın 28-ci dəqiqəsində qonaqların üzvü Boryello penaltidən yararlana bilməyib.
9 mart
Schalke (Almaniya) – Valencia (İspaniya) - 3:1 (1:1)
Qollar: Farfan, 40; 90, Qavranoviç, 52 - Kosta, 17.
Tottenham (İngiltərə) – Milan (İtaliya) - 0:0 (1:0)
