9 mart 2011 18:28
Adrian Pit: Hakim topun əlimə təsadüfən dəydiyini başa düşdü
"Xəzər Lənkəran"ın yarımmüdafiəçisi Adrian Pit “Böyük oyun”dan sonra azerisport.az saytının müxbirinin suallarını cavablayıb.
- Çox sevinirəm ki, yarımfinala məhz mənim komandam çıxdı. Oyuna gəlincə deyim ki, hər iki komandanın qol şansları vardı. Ümumi qələbəyə sevinməkdən əvvəl bizi 90 dəqiqəlik mübarizə gözləyirdi. Məşqçinin yerinə yetirilməsi qarşımıza qoyulan taktiki tapşırıqları vardı.
- Klubunuzun ilk oyunda hakimlikdən narazılığı cavab oyununda hakimin start fitinə qədər davam etdi. Bəs bu dəfə?
- Komandanı deyə bilmərəm, ancaq mən narazlı deyiləm. Mənim ayaqlarıma bərk vururdular. Rəqib çox aqressiv oynayırdı. Hər halda onları başa düşmək olar. Neftçi növbəti mərhələyə keçmək istəyirdi. Bununla belə, hakim onların da oyunçularına vərəqə göstərə bilərdi.
- Əvəzində sizin iştirakınızla epizod rəqib tərəfindən emosiya dalğası doğurdu. Sizin əllə oyununuz...
- Mənim oyundan mümkün qovulmağım ədalətsizlik olardı. İlk növbədə qeyd edim ki, ilk xəbərdarlıq anlaşılmaz oldu. Hətta niyə sarı vərəqə almağımı da bilmədim. İkinci epizodda mən başla oynamaq istəyirdim. Ancaq top əlimə dəydi. Qeyd edim ki, təsadüfən. Hakim bunu başa düşdü.
- Sizcə komandanız kubokda, yoxsa Premyer Liqada qələbəyə yaxındır?
- Mən bu turnirlərin oyunlarını ayırmazdım. Mərhələ-mərhələ məqsədə doğru gedirik. Oynayacağıq və mütəmadi qələbə qazanmağa çalışacağıq. Sonra nə qazandığımıza baxarıq.
- Yəqin ki, bu qələbə Neftçi ilə çempionluq mübarizəsində xüsusi üstünlük olacaq.
- Buna inanmıram. Komandalar eyni olsa da, turnirlər müxtəlifdi. Biz gərək göylərdə uçmayaq. Yerdə inamla gəzmək və hər şeyə hazır olmaq lazımdır.
- Qarşıda “altılıq”da ilk oyun - AZAL-la oyun var...
- Hələ bu komandaya qarşı oynamamışam. Ancaq oyunlarını görmüşəm. Orda yüksək səviyyəli ən azı dörd-beş futbolçu var. Oyunları xoşuma gəldi. Ciddi rəqib hesab etmək olar. Ümid edirəm ki, zədəli oyunçular sıramıza qayıdacaqlar. Bizə qələbə qazanmaq lazımdır.
