9 mart 2011 20:30
Flavinyo: XL hesabı baş hakimin sayəsində bərabərləşdirdi
"Neftçi"nin yarımmüdafiəçisi Flavinyo "Böyük oyun" (1:1) barədə fikirlərini bölüşüb. Azerisport.az xəbər verir ki, paytaxt klubunun braziliyalı futbolçusu komandasının çıxışını belə dəyərləndirib:
"Təəssüf ki, növbəti mərhələyə adlaya bilmədik. Cavab görüşündə üstünlük Neftçi'nin tərəfində idi. Ancaq görüşün baş hakiminin qeyri-obyektivliyi ucbatından Xəzər Lənkəran hesabı bərabərləşdirə bildi. Çünki icrasından sonra qol vurulmuş həmin cərimə zərbəsini təyin etmək cəfəng bir fikir idi. Bunu hamı gördü. Bu epizodda cərimə zərbəsinin təyin olunmasına rəvac verən heç bir qayda pountusu yox idi. Bütün oyun ərzində rəqib oyunçular mənə qarşı çox kobud oynayırdılar və hakimin fiti susurdu. Bənzər hakimlik Azərbaycanda futbolun inkişafına maneədir. Biz sadəcə öz futbolumuzu oynamaq və nəyə qadir olduğumuzu göstərmək istəyirik".
