11 mart 2011 01:58
Portuqalların gecəsi (YENİLƏNİB)
Avropa Liqasında 1/8 final mərhələsinin ilk oyunları keçirilib. Azerisport.az xəbər verir ki, Çempionlar Liqasından fərqli olaraq, qitənin nüfuzuna görə ikinci dərəcəli turnirinin bütün görüşləri eyni günə təsadüf edib.
Cütlər arasında kifayət qədər maraqlı rəqiblər var ki, bunlar arasında xüsusilə Rusiya və Hollandiya klublarının rəqabəti diqqət çəkirdi. Hər halda 1/4 finala vəsiqə uğrunda bu ölkənin 2 klubu bir-biri ilə mübarizə aparır. Həm “Zenit”in, həm də Moskva “Spartak”ının ilk oyununu səfərdə keçirməsi də maraq doğuran məqamlardan idi. Lakin onlardan "Spartak" daha böyük sensasiya etməklə səfərdə "Ajax"ı məğlub etdisə, "Zenit" evə 3 cavabsız qolla yenilərək döndü.
Bu mərhələdə 3 klubla təmsil olunan Portuqaliya "Braga"nın evdə "Liverpool", "Porto"nun isə səfərdə Moskva CSKA-sı üzərində minimal hesablı qələbəsinə sevindi. "Benfica" isə PSG üzərində əzmkar qələbə qazandı. Yeganə Almaniya təmsilçisi "Bayer" isə evdə "Villareal"a uduzmaqla işlərini çətinə saldı. İngiltərə nəhənglərindən "Manchester City"nin Ukraynadan məğlub dönməsi də diqqətçəkən məqamlardandı.
Avropa Liqası
1/8 final, ilk oyunlar
10 mart
Bayer (Almaniya) – Villarreal (İspaniya) - 2:3
Qollar: Kadleç, 33, Kastro, 72 - Rossi, 42, Nilmar, 70; 90.
Braga (Portuqaliya) – Liverpool (İngiltərə) - 1:0
Qol: Alan, 18-pen.
CSKA (Moskva, Rusiya) – Porto (Portuqaliya) - 0:1
Qol: Quarin, 70.
PSV (Hollandiya) – Rangers (Şotlandiya) - 0:0
Ajax (Hollandiya) - Spartak (Moskva, Rusiya) - 0:1
Qol: Aleks, 57.
Benfica (Portuqaliya) – PSG (Fransa) - 2:1
Qollar: Pereyra, 42, Jara, 81 - Luyindula, 14.
Dinamo (Kiyev, Ukrayna) - Manchester City (İngiltərə) - 2:0
Qollar: Şevçenko, 25, Qusev, 77.
Twente (Hollandiya) – Zenit (Rusiya) - 3:0
Qollar: De Yonq, 25; 90, Landzaat, 56.
