12 mart 2011 15:29
İbrahim Karqbo: Gözəl oyunun şahidi olacaqsız
“Bakı”nın yarımmüdafiəçisi İbrahim Karqbo “altılıq” mərhələsi, 23-cü turda keçiriləcək “Neftçi” ilə qarşıdakı oyun və “Bakı”azarkeşləri haqda düşüncələrini açıqlayıb. Azerisport.az xəbər verir ki, legioner futbolçu açıqlamasında bunları dilə gətirib:
“Altılıq” oyunları barədə danışan Karqbo bu mərhələdə oyunların daha gərgin keçəcəyini, komandasının bütün oyunlara eyni məsuliyyətlə hazırlaşdığını bildirib: “Neftçi” Premyer Liqanın lideri və baxımlı oyun göstərən bir komandadı. Sabah gözəl oyunun şahidi olacaqsınız. Derbi qabağı azarkeşlərə bizi hər zaman dəstəklədikləri üçün minnətdarlığımı bildirirəm. Bakı derbisində də tərəfdarlarımızın fəal olacağına əminəm. Sabahki oyunda qələbə qazanıb, azarkeşlərimizi , klub rəhbərliyi və bütün “Bakı” ailəsini sevindirəcəyik”.
