14 mart 2011 00:32
Mançesterlilər yarımfinalda (YENİLƏNİB)
İngiltərə Federasiya Kubokunda 1/4 final mərhələsinin oyunları keçirilib. Azerisport.az xəbər verir ki, ilk oyun günündə iki görüş baş tutub.
“Birmingham” “Bolton”la münasibətlərinə aydınlıq gətirib. Bir oyundan ibarət kubok matçında iki dəfə hesabda önə keçməsinə rəğmən, hər dəfə üstünlüyünü əldən verən “Bolton” yalnız son saniyələrdə vurulan qol sayəsində adını yarımfinala yazdırıb. Premyer Liqada da gərgin mübarizə aparan “Manchester United”lə “Arsenal”ın mübarizəsindən isə “qırmızı şeytanlar” qalib ayrılıb.
Son oyun günündə "Stoke City" ilə "Manchester City" də yarımfinala vəsiqəni təmin edib.
İngiltərə Federasiya Kuboku
1/4 final
12 mart
Birmingham – Bolton – 2:3
Qollar: Jerom, 38, Filips, 80 – Elmander, 21, Deyvis, 66-pen, Li, 90.
Manchester United – Arsenal – 2:0
Qollar: Da Silva, 28, Runi, 49.
13 mart
Stoke City - West Ham - 2:1
Qollar: Hut, 21, Hiqinbotam, 63 - Pikyon, 30.
Matçın 47-ci dəqiqəsində meydan sahiblərinin üzvü Eterinqton penaltidən yararlana bilməyib.
Manchester City – Reading - 1:0
Qol: Riçards, 74.
