13 mart 2011 18:08
“Qapımıza vurulan qolda uşaq səhvi buraxdıq”
Premyer Liqanın 23-cü turunda MOİK-in qonağı olan "Qəbələ" səfər oyununda bərabərliklə kifayətləndi - 1:1. Azerisport.az xəbər verir ki, qarşılaşmadan sonra komandaların çalışdırıcıları aşağıdakıları dilə gətirib:
Toni Adams, "Qəbələ"nin baş məşqçisi: "İlk hissədə bir neçə qol imkanından faydalana bilmədik. İkinci hissəyə isə uğurlu başladıq, qol vurduq. Lakin, ani diqqətsizlik nəticəsində qapımızda qol gördük. Bundan sonra MOİK-in müdafiəsini keçmək çətin oldu".
Ramil Əliyev, MOİK-in baş məşqçisi: "İkinci altılıqda lider olan "Qəbələ" ilə qarşılaşırdıq. Fikrimcə, layiq olduğumuz 1 xalı qazandıq. Qapımıza vurulan qolda uşaq səhvi buraxdıq. Azlıqda qalanda da fərqlənə bilərdik. Sonadək Premyer Liqada qalmaq uğrunda mübarizə aparacağıq. Artıq bu oyunu unudub, "Turan"la oyuna hazırlaşacağıq".
