14 mart 2011 13:01
Berti Foqts Belçika ilə oyun üçün heyəti açıqladı
Martın 19-dan 26-a qədər Almaniyanın Veqberq şəhərində, martın 26-dan 29-a qədər isə Belçikanın Brüssel şəhərində təlim-məşq toplanışı keçirəcək, martın 29-da AÇ-2012-nin seçmə mərhələsi çərçivəsində Belçika yığması ilə qarşılaşacaq Azərbaycan millisinin heyəti açıqlanıb. Azerisport.az xəbər verir ki, baş məşqçi Berti Foqts bu oyuna 21 futbolçu dəvət edib.
Rusiyanın “Anji” klubunun üzvü Mahir Şükürov zədəli olsa da, əsas komandamızın düşərgəsinə dəvət alıb. Lakin o, zədəsi sağalacağı təqdirdə millinin təlim-məşq toplanışında iştirak edə biləcək:
Qapıçılar: Kamran Ağayev (Xəzər Lənkəran), Fərhad Vəliyev (Qarabağ), Andrey Popoviç (Abşeron);
Müdafiəçilər: Rəşad Sadıqov (Qarabağ), Saşa Yunisoğlu (Qəbələ), Vladimir Levin (İnter), Vurğun Hüseynov (Turan), Rail Məlikov, Ruslan Abışov (hər ikisi “Neftçi”), Cəmşid Məhərrəmov (Bakı), Elnur Allahverdiyev (Xəzər Lənkəran);
Yarımmüdafiəçilər: Samir Abasov, Elvin Məmmədov (hər ikisi “Qarabağ”), Rahid Əmirquliyev (Xəzər Lənkəran), Aleksandr Çertoqanov (İnter), Mahir Şükürov (Anji, Rusiya), Cavid Hüseynov, Araz Abdullayev (hər ikisi “Neftçi”);
Hücumçular: Vüqar Nadirov, Rauf Əliyev (hər ikisi “Qarabağ”), Vaqif Cavadov (Bakı).
