14 mart 2011 16:39
"Həmzəyevdən AFFA-ya şikayət etməyəcəyik"
“Bakı”nın baş meneceri Zeynal Məmmədov Premyer Liqanın son turunun “Neftçi” ilə oyununda üzləşdikləri minimal hesablı məğlubiyyəti şərh edib. Azerisport.az saytına müsahibəsində o, bu qarşılaşmadakı mübahisəli epizodu da şərh edib:
“Mən oyunun gedişində Jabanın cərimə meydançasında yerdə qaldığı epizodla bağlı heç nə deyə bilmirdim. Amma oyunun videoyazısına baxdıqdan sonra həmin epizodun penalti olmasına qətiyyən şübhəm qalmadı. Əfqan Həmzəyev həmin vəziyyətdə mütləq penalti nöqtəsini göstərməli idi. Ondan sonra oyunun necə gedəcəyini isə heç kim söyləyə bilməz. Hər şeyi Allaha tapşırıram. Məncə həmin anda Həmzəyev çox böyük səhvə yol verdi. Çox təəssüf edirəm ki, matç belə korlandı.
Biz buna görə AFFA-ya heç bir müraciət etməyə hazırlaşmırıq. Hətta hakimi cəzalandırsalar da belə, xallarımız onsuz da qaytarılmayacaq.
Jabanın dediyi sözləyə gəlincə, onları müzakirə etməyəcəm. O deyib ki, “Neftçi” çempion olacaq. Ancaq mən bunu deyə bilmərəm. Qarşıda hələ 9 tur var”.
