15 mart 2011 12:46
Qəbələ Rusiyada turnirə dəvət olundu
“Qəbələ” Futbol Klubunun 15 yaşa qədər futbolçularından ibarət komandası Rusiyanın tanınmış futbolçusu və məşqçisi Valentin Bubukinin xatirəsinə həsr olunmuş beynəlxalq turnirdə iştirak etmək məqsədilə martın 20-də Soçi şəhərinə yola düşəcək. Azerisport.az xəbər verir ki, Rusiya Futbol İttifaqının bayrağı altında bu il üçüncü dəfə təşkil olunacaq turnirdə komandalar 8 yaş qrupu üzrə mübarizə aparacaqlar.
Birincilikdə 12 ölkədən təmsilçilərin iştirakı gözlənilir. Artıq “Qəbələ” ilə eyni yaş qrupunda mübarizə aparacaq komandaların adları məlumdur. Qruplar müəyyənləşməsə də, təmsilçimizin aşağıdakı kollektivlərlə qarşılaşmaq ehtimalı var: UGİM Vladivastok, “Qazprom” (Həştərxan, Rusiya), “Naşa Kampaniya” (Astana, Qazaxistan), “Vostok” (Xabarovsk, Rusiya), “Yunost” (Vladiqafqaz, Rusiya), Dağıstan yığması, “Siqnal” (Çelyabinsk, Rusiya), “Torpedo” (Vladimir, Rusiya), “Məşəl” (Daşkənd, Özbəkistan), “Pobeda-1” (Xasavyurt, Rusiya), “Master-Saturn” (Yeqorevsk, Rusiya), “Nijniy Novqorod” (Nijniy Novqorod, Rusiya), “Jemçujina” (Soçi, Rusiya), “Zvezda Znamensk” (Həştərxan, Rusiya), “Mitino” (Moskva, Rusiya), “Spartak” (Nalçik, Rusiya), “Drujba” (Sankt-Peterburq, Rusiya), “Timiryazevets” (Moskva, Rusiya), “Kubanoçka” (Krasnodar, Rusiya).
Turnirə 28 nəfərlik heyətlə yollanacaq kollektivə “Qəbələ” Futbol Akademiyasının direktoru Ali Yavaş başçılıq edəcək. Komanda 7 gün davam edəcək turnir boyunca birinciliyin keçiriləcəyi Daqomıs kompleksində yerləşən “Olimpiyski” otelində məskunlaşacaq.
“Qəbələ” Soçiyə aşağıdakı futbolçu heyəti ilə yollanacaq:
Qapıçılar: Əli Həsənli, Mikayıl Qasımov;
Müdafiəçilər: Vəzir Musayev, Feyruz Mustafayev, Elgün Hüseynli, Elməddin Muradov, Bəhram Mehdizadə, Orxan Mehrəlizadə;
Yarımmüdafiəçilər: Ümid Səmədzadə, Zöhrab Əlizadə, Nəsrulla Süleymanov, Qismət Əliyev (k), Seyidrazi Ağayev, Rəhman Şabanov, Tərlan Əhmədov, Həzi Hümbətli, Yusif Dilanov;
Hücumçular: İlkin Mehdiyev, Ehtiram Şahverdiyev
