16 mart 2011 15:25
Feliks Maqat nəhayət ki, qovuldu
Almaniya Bundesliqasının cari mövsümündə biabırçı çıxışı ilə diqqət mərkəzində olan “Schalke” rəhbərliyi nəhayət ki, bütün günahı baş məşqçi Feliks Maqatın üstünə yıxaraq, onu postundan qovub. Nəticədə təcrübəli mütəxəssisin “Schalke” macərası qısa sürüb.
Qeyd edək ki, son turlara kimi bu komanda Bundesliqanın alt sıralarında qərarlaşmışdı. Lakin son turda dogma meydanda qazanılan “Eintracht” üzərindəki 2:1hesablı qələbə ilə “Schalke” birdən-birə 10-cu pilləyə yüksəlmişdi. Maraqlıdı ki, çempionatdakı uğrusuzluğa rəğmən Maqat komandasının Çempionlar Liqasında 1/4 finala kimi irəliləməsinə nail olmuşdu. Lakin bütün bunlara baxmayaraq, rəhbərlik onun fəaliyyətinə son qoymağa qərar verib.
Hələlik, yeni baş məşqçi axtarışında olan klub rəhbərliyinin kiminlə anlaşacağı dəqiq bilinmir.
