18 mart 2011 18:19
Hacıyevski razı qaldı, İsmayılov məğlubiyyətin səbəbini açıqladı
Premyer Liqanın 24-cü turunda Gəncəyə səfər edən "Simurq" yerli "Gəncə" ilə oyunda minimal hesablı qələbə qazanadı - 1:0. Azerisport.az xəbər verir ki, qarşılaşmadan sonrakı mətbuat konfransında komandaların baş məşqçiləri görüşlə bağlı bunları dilə gətiriblər.
Qyoko Haciyevski, "Simurq"un baş məşqçisi: "Komandanın oyunundan çox razıyam. Bilirdik ki, "Gəncə" ilə görüş çox vacib oyundur. Bu gün qələbəyə layiq idik, bir çox qol imkanlarımız oldu. "Gəncə" güclü komandadı, lakin bu gün biz onlardan daha güclü idik. Qarşıdakı oyunlarda da belə oynasaq, lazım olan qədər xal toplaya biləcəyimizi düşünürəm".
Fuad İsmayılov, "Gəncə"nin baş məşqçisi: "Simurq"u qələbə münasibəti ilə təbrik edirəm. Futbolçularımız hücuma keçməkdə çətinlik çəkirdilər. Məğlubiyyətimizi bununla əlaqələndirərdim".
