18 mart 2011 18:44
Maqatın işsiz günləri cəmi 2 gün çəkdi
İki gün öncə Almaniya Bundesliqasının “Schalke” klubu ilə yollarını ayıran Feliks Maqatın işsiz günləri uzun çəkməyib. Azerisport.az xəbər verir ki, cəmi iki gün sonra, yəni bu gün o, vaxtilə çalışdırdığı komandalardan olan “Wolfsburg”un sükanı arxasına keçib.
Qeyd edək ki, Maqat Çempionlar Liqasında uğurla çıxış edən komandasını 1/4 finala çıxaran Maqat sadəcə “Schalke”nin Bundesliqadakı zəif çıxışına görə istefaya göndərilmişdi. Lakin belə mütəxəssisin istefası daha çox “Wolfsburg” üçün göydəndüşmə olub və onlar birgə çalışdıqları bu baş məşqçini yenidən kluba dəvət ediblər. Aparılan danışıqlar uzun sürməyib və onlar tezliklə ortaq məxrəcə gələ biliblər. Maqat köhnə-yeni klubu ilə 2013-cü ilə qədər nəzərdə tutulan müqavilə bağlayıb.
Qeyd edək ki, Maqat “Wolfsburg” ilə 2008-2009 mövsümündə Bundesliqanın çempionu adını qazanmışdı.
