19 mart 2011 14:37
AFFA rəhbərliyi millimizin üzvləriylə görüşüb (FOTOLAR)
Bu gün AFFA-nın inzibati binasında baş katib Elxan Məmmədov və Sahə Futbol Federasiyalarının prezidenti Mahir Məmmədov eşitməqüsurlu əlillərdən ibarət Azərbaycan yığmasının üzvləri ilə görüş keçirib. Azerisport.az xəbər verir ki, Elxan Məmmədov çıxış edərək AFFA-nın prezidenti Rövnəq Abdullayevin adından yığmanın üzvlərini Novruz bayramı münasibətilə təbrik edib, bu komandanın beynəlxalq yarışlarda qazandığı uğurlu nəticələri xüsusi vurğulayıb.
Mahir Məmmədov isə qarşıdakı yarışlarda da eşitməqüsurlu əlillərdən ibarət yığma komandanın üzvlərinə uğurlar arzulayıb, onlara xoş arzularını çatdırıb. Azərbaycan Əlillər Futbolu Federasiyasının prezidenti Şaiq Həmidov çıxış edərək yığma komandaya yaradılan şərait, diqqət və qayğıya görə AFFA-nın və Sahə Futbol Federasiyalarının rəhbərliyinə minnətdarlığını bildirib.
