20 mart 2011 13:54
Bakı 4 futbolçusunu və Starkovu yola saldı
Məlum olduğu kimi, Azərbaycan yığma komandasının mart ayının 29-da AÇ-2012-nin seçmə mərhələsi çərçivəsində baş tutacaq Belçika ilə oyununa hazırlıq məqsədi ilə təlim-məşq toplanışı keçiriləcək. Azerisport.az xəbər verir ki, hazırlıq 19-26 mart günlərində Almaniyanın Veqberq, 27-30 mart aralığında Belçikanın Brüssel şəhərində baş tutacaq.
Komandamızın baş məşqçisi Berti Foqts bu toplanışa “Bakı”nın üzvləri Cəmşid Məhərrəmov və Vaqif Cavadovu da dəvət edib. “Zolaqlılar”ın yarımmüdafiəçisi İbrahim Karqbo da milli komandasının düşərgəsinə yollanacaq. O, Qabon və Afrika millətlər kubokunun Ekvatoryal Qvineyada təşkil olunacaq seçmə oyunu çərçivəsində Niger - Sierra Leone oyununa dəvət alıb. Haqqında söhbət gedən qarşılaşma mart ayının 27-də keçiriləcək.
Təcrübəli Vadim Borets də bu günlərdə milli forma geyinə bilər. AÇ-2012 seşmə mərhələsinin İsveç - Moldova oyununa çağrılanVadim mart ayının 29-da meydana çıxmaq şansı qazanıb.
Komandanın baş məşqçisi Aleksandr Starkov da qitə çempionatının rəsmi oyununda iştirak edəcək. Onun rəhbərlik etdiyi Latviya milli komandası martın 26-da İsrailin qonağı olacaq.
