21 mart 2011 15:31
Türkiyə millisinin üzvü penalti vurmaqdan məhrum edildi
Almaniyanın “Borussia” (Dortmund) klubu komandanın şərəfini qoruyan Türkiyə yığmasının üzvü Nuri Şahinə bir daha penalti vurmağa icazə verməyəcək. Azerisport.az xəbər verir ki, bu mövsüm 3 dəfə penalti vurmaq imkanı qazanan, amma onların heç birində ümidləri doğrultmayan yarımmüdafiəçi bu şansdan yararlana bilməyəcək.
Bu haqda açıqlamanı “Borussia”nın baş məşqçi Yürgen Klop verib: “Nuri artıq penalti vuruşlarından kənar duracaq.
N.Şahin özü də baş məşqçisinin fikirlərini təsdiqləyib: “Artıq bu qədər yetər. Bundan sonra başqaları penalti vurmalıdı”.
Qeyd edək ki, Nuri son olaraq Bundesliqanın srağagün baş tutan “Mainz” ilə ev oyununda (1:1) penaltidən yararlana bilməmişdi ki, nəticədə komandası həmin oyunda xal itirmiş, əsas izləyiciləri “Bayer” isə xal fərqini daha da azaltmışdı.
