23 mart 2011 14:50
Hiddink: Azərbaycan ilə oyun çox önəmli idi
AÇ-2012-nin seçmə mərhələsi çərçivəsində millimizin rəqiblərindən olan Türkiyə yığmasının baş məşqisi Qus Hiddink, Avstriya ilə qarşıdakı matçı öncəsi komandasının durumu haqda danışıb. Azerisport.az xəbər verir ki o, jurnalistlər üçün təşkil olunan mətbuat konfransında bir sıra maraqlı fikirlər söyləyib:
“Seçmə mərhələdəki bütün qarşılaşmalar çox önəmlidi. Gələn ilki final mərhələsinı getmək yolunda hər matç böyük əhəmiyyət daşıyır. Bu yolda Qazaxıstan və Azərbaycan ilə oynadığımız matçlar da önəmli qarşılaşmalar idi. Qarşıdakı Avstriya matçı da sıradan bir oyun olmayacaq. Biz istəyirik ki, taleyimiz öz əlimizdə olsun. Avstriyaya qalib gəlsək, belə də olacaq. Öz taleyimizi özümüz həll etməliyik. Daha əsas rəqiblərimizin xal itirməsini gözləməməliyik”.
Hollandiyalı mütəxəssis millimizlə Bakıdakı görüşdə uduzan komandasında apardığı dəyişikliklərdən də danışıb: “Bir yol seçməyimiz öncədən də bəlli idi. Bu yöndə yola çıxdığımız ilk oyunda Almaniyaya məğlub olduq. Elə Azerbaycanla maçtda da istəmədiyimiz nəticəni aldıq. Məhz bu məğlubiyyət islahatları erkən həyata keçirməyimizi şərtləndirdi. Hazırkı gənc oyunçuların müxtəlif dövrlərdə uyğunlaşma baxımından problemləri ola bilər. Avstriya matçı onlar üçün yaxşı bir fürsətdi”.
