AZAL və Neftçi`nin futbolçularına 2 oyunluq cəza

Bu gün keçirilən AFFA İntizam Komitəsinin iclasında Premyer Liqada çıxış edən klubların əvəzedici komandaları arasında təşkil olunan ölkə çempionatının 24-cü, eləcə də birinci divizionun 18-ci turunun oyunlarındakı qanun pozuntularına da hüquqi qiymət verilib. Azerisport.az xəbər verir ki, aparılan müzakirələr zamanı aşağıdakı qərarlar çıxarılmışdır:

 

Premyer Liqada çıxış edən klubların əvəzedici heyətlərinin 24-cü turunun AZAL – “Neftçi” matçının 35-ci dəqiqəsində “Neftçi”nin futbolçusu Azər Məmmədovla AZAL-ın futbolçusu Rasif Səfiyarov aqressiv oyuna görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 2 oyunluq cəzalanıb, hər iki klub 1000 manat cərimə olunub.

 

“Turan” – “Bakı” matçında “Turan”ın 4 futbolçusu sarı vərəqə ilə cəzalandığı üçün klub 500 manat cərimə olunub.

 

“Gəncə” – “Muğan” matçının 30-cu dəqiqəsində “Muğan”ın futbolçusu Nicat Babayev hakimin qərarı ilə razılaşmadığına görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klubu 100 manat cərimə olunub.

 

Azərbaycan birinci divizionunun 18-ci turunun “Şəmkir” – “Rəvan” matçında “Şəmkir”in 4 futbolçusu sarı vərəqə ilə cəzalandığı üçün klub 100 manat cərimə olunub.

 

“Göyəzən” – “Neftçi” İSM matçının 83-cü dəqiqəsində “Göyəzən”in futbolçusu Rauf Muradov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub.

 

“Abşeron” – “MKT-Araz” matçında “MKT-Araz”ın 5 futbolçusu sarı vərəqə ilə cəzalandığı üçün klub 100 manat cərimə olunub.