25 mart 2011 13:09
Foqts: Brüsseldə qələbə qazanmağımız tam mümkündü
Yığmamızın baş məşqçisi Berti Foqts yetirmələrini martın 29-da Brüsseldə keçiriləcək Belçika ilə AÇ-2012-nin seçmə oyununa hazırlamaqda davam edir. Azerisport.az xəbər verir ki, o, ölkəsindən olan jurnalistlərə açıqlamasında komandasının hazırlığı haqda bir sıra açıqlamalar da verib.
Onun sözlərinə görə, yığmamızın hazırlığı üçün çox münasib yer seçilib: “Biz Vaqberqdə məskunlaşmağa qərar verdik. Burda siz oyunçulardan da nə tələb etdiyiniz dəqiq bilmiş olursuz. Təsadüfi deyil ki, Bundesliqanın da əksər komandaları məhz burda hazırlıq keçirlər. Həm də bura Belçikaya yolun üstündə yerləşir”.
Foqts seçmə mərhələdə yığmamızın Türkiyə üzərində qeydə alınan yeganə qələbəsindən də danışıb: “Bu, misilsiz bir uğur idi. Bütün Bakı ayaq üstə idi. İndi bu inanılmazı Brüsseldə də təkrarlamaq istəyirik. Bu, tam mümkündü. Futbolda mümkünsüz heç nə yoxdu”.
Baş məşqçi yetirmələrini Bundesliqanın son turunun “Bayer” – “Schalke” matçına aparmasından da danışıb: “Bu, mənim oyunçularım üçün çox faydalı olacaq. Oyundan sonra onlarla birgə restorana da yollandıq. Onlar çox xoşbəxt idilər. Lap uşaq kimi”.
Sonda o, bildirib ki, sərbəst vaxtlarında komanda Veqbeqə ekskursiya səyahətlərinə çıxdığı halda, o da qol oynamağa üstünlük verir. Qeyd edək ki, Belçika – Azərbaycan görüşü martın 29-da keçiriləcək.
(RP Online)
