25 mart 2011 19:46
Bakı İstanbul BB ilə sülh bağladı (YENİLƏNİB)
Premyer Liqada yaranan fasilədən maksimum yararlanmaq üçün Türkiyəyə təlim-məşq toplanışına yollanan “Bakı” bu gün qardaş ölkədə ilk sınaq matçına çıxıb. Azerisport.az xəbər verir ki, Aleksandr Starkovun komandası onun yoxluğunda Türkiyə Superliqa təmsilçisi “İstanbul Böyükşehir Belediyespor”la qarşı-qarşıya gəlib.
Qarşılaşma 1:1 hesablı heç-heçə ilə yekunlaşıb. Komandamızın qoluna Bəxtyiyar Soltanov imza atsa da, türklər də Gökhan Ünal ilə hesabı bərabərləşdirib. İkinci hissədə qapılara qol vurulmayıb və qarşılaşma heç-heçə başa çatıb.
Maraq üçün qeyd edək ki, “Bakı” qardaş ölkədə daha bir sınaq matçı keçirməyi planlaşdırır. İkinci yoldaşlıq görüşü də Türkiyə Superliqasınfa mübarizə aparan komandalardan birinə qarşı keçiriləcək. Lakin 27 mart tarixinə nəzərdə tutulan oyunda rəqibin kimliyi hələ dəqiqləşməyib.
Yoldaşlıq oyunu
25 mart
BAKI – İSTANBUL BB - 1:1 (1:1)
