25 mart 2011 19:54
Galatasaray George Haci ilə yollarını rəsmən ayırdı
Türkiyənin “Galatasaray” klubu nəhayət ki, baş məşqçisi George Haci ilə yollarını ayırıb. Azerisport.az xəbər verir ki, bu gün aparılan danışıqlar nəticəsində tərəflər qarşılıqlı olaraq işbirliyini dondurmağa qərar veriblər.
Qeyd edək ki, “sarı-qırmızılar”ın rumıniyalı mütəxəssisi istefaya göndərməsi haqda xəbərlər hələ “Fenerbahçe” ilə derbidəki məğlubiyyətdən sonra yayılmağa başlamışdı. Lakin həmin xəbərlərə rəğmən həm Haci fəaliyyətini davam etdirirdi, həm də klub rəhbərliyi rəsmi məlumat yayırdı. Bu gün isə hər şeyə rəsmən aydınlıq gətirilmiş oldu. Klubun rəsmi saytı vasitəsilə yayılan bəyanatda həm Haci, həm də onun köməkçiləri olan Boqdan Vintila və Covanni Melkiorre ilə yolların ayrıldığı açıqlanıb. Maraq üçün qeyd edək ki, sonuncu məşqçi “Neftçi”dən “Galatasaray”a getmişdiş
Sonda onu da vurğulayaq ki, hələlik yeni baş məşqçisi bilinməyən “sarı-qırmızılar”ın sükanı arxasına Bülənt Ündərin gətirilməsi gözlənilir.
