27 mart 2011 01:33
Rusiya xal itirdi, gürcülər Xorvatiyanı da məğlub etdi (YENİLƏNİB)
Bu gün AÇ-2012-nin seçmə mərhələsi çərçivəsində növbəti oyunlar keçirilib. Azerisport.az xəbər verir ki, millimizin yer aldığı A qrupundakı qarşılaşmadan əlavə Avropanın yaşıl meydanlarında daha 12 qarşılaşma baş tutub.
C, E və I qruplarında bu günə oyun nəzərdə tutulmayıb. Əvəzində B qrupunun bütün komandaları bu gün oyuna çıxıb. Lider Rusiya Ermənistanın qonağı olub və gözlənilməz xal itkisi ilə üzləşib. İrlandiya Makedoniyanı qəbul edib və çətin qələbəyə sevinib. Slovakiya isə səfərdə Andorra üzərindəki qələbə ilə vəziyyətini yaxşılaşdırıb.
D qrupunda seçmə mərhələyə uğursuz başlayan Bosniya-Herseqovina və Rumıniya milliləri öz aralarındakı münasibətlərə aydınlıq gətiriblər. Bu görüşdə meydan sahibləri möhtəşəm əzmkar qələbəyə seviniblər. Liderlik uğrunda mübarizə aparan Belarus isə səfərdə Albaniyanın qonağı olub və məğlubiyyətlə üzləşib.
F qrupunda da maraqlı görüşlər olub. Bu seçmə tsikldə uğurlu çıxışı ilə diqqət çəkən Gürcüstan qrup lideri Xorvatiyanı qəbul edib və son dəqiqələrdə vurulan qolla möhtəşəm qələbəyə sevinib. Eyni xala malik İsrail və Latviyanın da mübarizəsi az maraq doğurmurdu. Meydan sahibləri bu çətin qarşılaşmadan qələbə ilə ayrılmağı bacarıblar. Qrup sonuncusu Malta isə Yunanıstanla ev oyununda sürpriz etməyə çalışıb. Amma onlar rəqibin hətta azlıqda qalmasına rəğmən, son saniyələrdə qələbə qolunu vurmasına mane ola bilməyiblər.
G qrupunda diqqətlər Britaniya derbisinə - Uels – İngiltərə matçına yönəlmişdi. Lakin daha güclü olan ingilislər elə ilk 15 dəqiqəyə vurulan 2 qolla rəibini məğlub etməyi bacarıb. Eyni xala malik Bolqarıstanla İsveçrənin mübarizəsi də az maraq doğurmurdu. Onlar da bu qarşılaşmadan qolsuz heç-heçə ilə ayrılıblar.
H qrupunda isə qrup autsayderləri - Kipr və İslandiya qarşı-qarşıya gəlib və qolsuz heç-heçəyə razılaşıblar. İtkisiz irəliləyən Norveç isə Danimarka ilə ev oyununda uğurlu çıxışını davam etdirməyə çalışsa da, bu dəfə xal itikisi ilə üzləşib.
AÇ-2012-nin seçmə mərhələsi
26 mart
B qrupu
Ermənistan - Rusiya - 0:0 (0:0)
Andorra - Slovakiya - 0:1 (0:1)
Qol: Sebo, 21.
İrlandiya - Makedoniya - 2:1 (2:1)
Qol: Makqidi, 2, Kin, 21 - Triçkovski, 45.
| 1 | Slovakiya | 5 | 3 | 1 | 1 | 5 | - | 4 | 10 |
| 2 | Rusiya | 5 | 3 | 1 | 1 | 6 | - | 3 | 10 |
| 3 | İrlandiya | 5 | 3 | 1 | 1 | 9 | - | 6 | 10 |
| 4 | Ermənistan | 5 | 2 | 2 | 1 | 9 | - | 4 | 8 |
| 5 | Makedoniya | 5 | 1 | 1 | 3 | 5 | - | 6 | 4 |
| 6 | Andorra | 5 | 0 | 0 | 5 | 1 | - | 12 | 0 |
D qrupu
Bosniya-Herseqovina - Rumıniya - 2:1 (0:1)
Qollar: İbiçeviç, 63, Dzeko, 83 - Mariça, 29.
Albaniya – Belarus - 1:0 (0:0)
Qol: Salihi, 62.
| 1 | Fransa | 5 | 4 | 0 | 1 | 8 | - | 1 | 12 |
| 2 | Belarus | 5 | 2 | 2 | 1 | 3 | - | 1 | 8 |
| 3 | Albaniya | 5 | 2 | 2 | 1 | 4 | - | 4 | 8 |
| 4 | Bosniya-Herseqovina | 4 | 2 | 1 | 1 | 6 | - | 4 | 7 |
| 5 | Rumıniya | 4 | 0 | 2 | 2 | 2 | - | 5 | 2 |
| 6 | Lüksemburq | 5 | 0 | 1 | 4 | 0 | - | 8 | 1 |
F qrupu
Gürcüstan - Xorvatiya - 1:0 (0:0)
Qol: Siradze, 90.
İsrail - Latviya - 2:1 (1:0)
Qollar: Barda, 16, Kayal, 81 - Qorks, 62.
Malta – Yunanıstan - 0:1 (0:0)
Qol: Torosidis, 90+4.
| 1 | Yunanıstan | 5 | 3 | 2 | 0 | 5 | - | 2 | 11 |
| 2 | Xorvatiya | 5 | 3 | 1 | 1 | 8 | - | 2 | 10 |
| 3 | Gürcüstan | 5 | 2 | 3 | 0 | 4 | - | 2 | 9 |
| 4 | İsrail | 5 | 2 | 1 | 2 | 7 | - | 6 | 7 |
| 5 | Latviya | 5 | 1 | 1 | 3 | 4 | - | 7 | 4 |
| 6 | Malta | 5 | 0 | 0 | 5 | 1 | - | 10 | 0 |
G qrupu
Uels – İngiltərə - 0:2 (0:2)
Qollar: Lempard, 7-pen, Bent, 15.
Bolqarıstan – İsveçrə - 0:0 (0:0)
| 1 | İngiltərə | 4 | 3 | 1 | 0 | 9 | - | 1 | 10 |
| 2 | Çernoqoriya | 4 | 3 | 1 | 0 | 3 | - | 0 | 10 |
| 3 | İsveçrə | 4 | 1 | 1 | 2 | 5 | - | 5 | 4 |
| 4 | Bolqarıstan | 4 | 1 | 1 | 2 | 1 | - | 5 | 4 |
| 5 | Uels | 4 | 0 | 0 | 4 | 1 | - | 8 | 0 |
H qrupu
Kipr - İslandiya - 0:0 (0:0)
Norveç - Danimarka - 1:1 (0:1)
Qol: Huseklep, 81 - Romedal, 27.
| 1 | Norveç | 4 | 3 | 1 | 0 | 6 | - | 3 | 10 |
| 2 | Portuqaliya | 4 | 2 | 1 | 1 | 10 | - | 7 | 7 |
| 3 | Danimarka | 4 | 2 | 1 | 1 | 5 | - | 4 | 7 |
| 4 | Kipr | 4 | 0 | 2 | 2 | 5 | - | 8 | 2 |
| 5 | İslandiya | 4 | 0 | 1 | 3 | 2 | - | 6 | 1 |
