27 mart 2011 01:47
AZAL və Qarabağ`ın oyunçuları Starkova kömək edə bilmədi
"Bakı"nın baş məşqçisi Aleksandr Starkov AÇ-2012-nin seçmə mərhələsində 3-cü məğlubiyyətini alıb. Azerisport.az xəbər verir ki, onun başçılıq etdiyi Latviya yığması bu gecə səfərdə İsrailə yenilib.
Təl-Əvivdə keçirilən qarşılaşma meydan sahiblərinin 2:1 hesablı qələbəsi ilə yekunlaşıb. 18-ci dəqiqədə hesabı açan meydan sahibləri 81-ci dəqiqədə fərqi iki topa çatdırıblar. Bir dəqiqə sonra Latviya yığmasının kapitanı Qorks fərqi azaltsa da, Starkovun yetirmələri bundan artığına nail ola bilməyib.
Starkov AZAL-ın oyunçusu Ritus Krjauklis və "Qarabağ"ın üzvü Andreys Rubinsə start heyətində şans verib. Krjauklis 90 dəqiqə oynasa da, Rubins 57-ci dəqiqədə əvəzlənib.
