27 mart 2011 02:05
Neftçi`nin oyunçuları həm məğlubiyyətə üzüldü, həm də…
"Neftçi"nin futbolçuları – İqor Mitreski və Slavko Georgiyevski, eləcə də "İnter"in üzvü Filip Despotovski AÇ-2012-nin seçmə mərhələsində məğlubiyyət acısı yaşayıb. Azerisport.az xəbər verir ki, Premyer Liqamızda top qovan bu üç futbolçunun çıxış etdiyi Makedoniya millisi səfərdə İrlandiyaya məğlub olub.
2-ci dəqiqədə erkən qol buraxan makedoniyalılar 21-ci dəqiqədə daha bir qola üzülüblər. 45-ci dəqiqədə buraxılan qollardan birinin əvəzini çıxmaq mümkün olsa da, sonda görüş qonaqların 1:2 hesablı yenilgisiylə bitib.
Makedoniya yığmasının baş məşqçisi Mirsad Yonuz nə "İnter"in üzvünə, nə də "Neftçi"nin oyunçularından hansınasa start heyətində yer verib. Mitreski və Despotovski ümumiyyətlə meydana çıxmaq şansı qazanmadığı halda, Georgiyevski 84-cü dəqiqədə Muhamed Demirini əvəzləyib. Lakin onun da gücü komandasının məğlubiyyətdən yaxa qurtarmasına yetməyib.
