27 mart 2011 14:08
Rodriqinyo: Bizim hədəfimiz məlumdu
"Neftçi"nin braziliyalı futbolçusu Rodriqinyo qarşıdakı oyunlarla bağlı fikirlərini bildirib. Azerisport.az xəbər verir ki, Premyer Liqanın son turunda “Xəzər Lənkəran”a səfərdə möhtəşəm qol vuran orta sahə oyunçusu bunları dilə gətirib:
"Çempionatın sonuna 8 oyun qalıb. Biz qalan bütün görüşlərdə 3 xal qazanmaq üçün meydana çıxacağıq. "Xəzər Lənkəran"la səfərdəki matçda hesabda öndə olsaqda, qələbəni son dəqiqələrdə əldən verdik. Bu oyunda rəqibi məyus edərək, "Neftçi"nin heyətində ilk qolumu vurdum. Qalan görüşlərdə də qollar vurub komandama qələbə qazandırmaq üçün əlimdən gələni edəcəm. Ancaq, əsas vacib olan "Neftçi"nin qələbə qazanmasıdı. Hansı futbolçunun fərqlənməsinin bizim üçün əhəmiyyəti yoxdu. Əsas odur ki, hesabımıza 3 xal yazdıraq. Biz kollektiv kimi çox güclüyük. Bizim hədəfimiz isə məlumdu - çempion olaraq, Çempionlar Liqasında Azərbaycanı layiqincə təmsil etmək".
