28 mart 2011 13:30
Leekens start heyətin 7 üzvünü müəyyənləşdirib
AÇ-2012-nin seçmə mərhələsi çərçivəsində sabah millimizi qəbul edəcək Belçika yığmasının baş məşqçisi Jorj Leekens hələlik bu oyun üçün start heyətini tam müəyyənləşdirməyib. Azerisport.az xəbər verir ki, o, hələlik cəmi 7 mövqe üzrə kimləri oynadacağını dəqiqləşdirib.
İlk dəqiqələrdən meydana çıxacaq futbolçulardan biri qapıçı Minolya olacaq. Müdafiəçilərdən isə Van Buyten, Lomberts, və Vertongen start heyətində yer alacaq. Yarımmüdafiədə isə Simons, həmçinin ön xəttdə də Vitsellə Dembelenin çıxışı gözlənilir. Qalan mövqelər isə hələlik sual altındadı.
Qeyd edək ki, müxtəlif səbəblərdən sabah keçiriləcək Belçika – Azərbaycan görüşünü meydan sahiblərinin 13 futbolçusu buraxmalı olacaq. Komandamızda isə Samir Abbasovla Elnur Allahverdiyev zədə səbəbindən sabah meydana çıxa bilməyəcək.
