29 mart 2011 14:11
Belçikalılar Neftçi haqda yazdı
Ötən ilin sentyabr ayında Belçikanın məşhur “Sport foot magazine” nəşrinin əməkdaşları Stefan Van der Velde və Erik Herşaft "Neftçi"nin düşərgəsini ziyarət etmişdilər. Azerisport.az xəbər verir ki, səfər müddətində belçikalılar flaqmanın məşqlərindən geniş reportaj hazırlamış, klub rəhbərliyi ilə görüşmüş, komandamızın belçikalı hücumçusu Emil Mpenzadan müsahibə götürmüş və AFFA-da olmuşlar.
Yığmamızın bu gün Belçika ilə keçirəcəyi oyunöncəsi "Sport foot magazine" jurnalının növbəti sayı işıq üzü görüb. Jurnalın bu sayında belçikalılar "Neftçi"yə geniş yer ayırıblar. Stefan Van der Velde və Erik Herşaft Bakı təəssüratlarını jurnalın səhifələrinə həkk etməklə yanaşı, komandamız haqqında ətraflı məlumat veriblər. Emil Mpenzanın müsahibəsinədə jurnalda geniş yer verilib. Həmçinin belçikalı jurnalistlər Azərbaycan futbolunun son illər inkişafda olduğunu da öz yazılarında xüsusi vurğulayıblar. Həmçinin "Sport foot magazine" jurnalının elektron versiyasında mütəmadi olaraq Azərbaycan futbolu və "Neftçi" haqqında yazılara yer verilir və belçikalı oxucular futbolumuz haqqında daim məlumat alır.
