29 mart 2011 17:52
Neftçi Simurq`a iki 2 cavabsız qolla məğlub oldu (YENİLƏNİB)
Millimizin AÇ-2012-nin seçmə mərhələsində Belçika ilə oyunu səbəbindən Premyer Liqada yaranan fasilədən yararlanmağa çalışan elita klubları bu boşluğu yoldaşlıq oyunları ilə aradan qaldırmağa çalışır. Azerisport.az xəbər verir ki, bu gün “Neftçi” və “Simurq” da bu tipli oyun keçirməyə qərar verib.
Fərqli “altılıq”larda, fərqli məqsədlər uğrunda mübarizə aparan Zaqatala və paytaxt klubları münasibətlərinə Tofiq Bəhramov adına Respublika stadionunda aydınlıq gətiriblər. Qarşılaşma heç kimin gözləmədiyi halda zaqatalalıların 2:0 hesablı qələbəsi ilə başa çatıb. Qolları Vasif Əliyevlə Samir Musayev rəqib qapısından keçirib. Maraq üçün xatırladaq ki, “Simurq” bazar günü “Qarabağ”la da yoldaşlıq görüşü keçirmiş və 2 cavabsız qolla məğlub olmuşdu.
Yoldaşlıq oyunu
29 mart
NEFTÇİ - SİMURQ - 0:2 (0:2)
13-cü dəqiqədə "Simurq" hesabı açır
16-cı dəqiqədə Mpenza növbəti dəfə təkbətək çıxsa da, rəqib qapıçı qola imkan vermir
18-ci dəqiqədə "Simurq"un qolkiperi belçikalı hücumçunun başla zərbəsini də geri qaytarır
25-ci dəqiqədə Zaqatala təmsilçisi penalti zərbəsindən sonra hesabı 0:2-yə çatdırır
39-cu dəqiqədə rəqib futbolçu sürüşmə fəndi edərkən, Flavinyonu arxadan vurduğuna görə qırmızı vərəqə ilə cəzalandırılır
