31 mart 2011 12:57
“Azərbaycan seçmə mərhələnin qalan oyunlarında uduzacaq”
AÇ-2012-nin seçmə mərhələsində martın 29-da doğma meydanda millimiz üzərində 4:1 hesablı inamlı qələbəyə sevinən belçikalılar artıq yığmamızın gələcək taleyini də müəyyənləşdiriblər. Azerisport.az xəbər verir ki, bu ölkə mətbuatı komandamızın qalan görüşlərdə də uduzacağını proqnozlaşdırıb:
“A qrupunun bundan sonrakı oyunlarında da Almaniyanın bütün rəqiblərini məğlub edəcəyini indidən demək olar. İkinci yer uğrunda mübarizə isə daha çox Belçika – Türkiyə və Avstriya – Türkiyə oyunlarından asılı olacaq. “Kiçik qardaşlar”a – Azərbaycanla Qazaxıstana gəlincə, onların da bütün oyunlarda məğlub olacağı şübhə doğurmur. Sadəcə onların öz ararlarında matçlar sonuncu pillələrin taleyini həll etmək baxımından maraq kəsb edəcək”.
