31 mart 2011 16:00
Rusiya futbolunda vandalizm: imza atmayan futbolçunu döydülər (FOTO)
Rusiya futbolunda daha bir vandalizm yaşanıb. Azerisport.az xəbər verir ki, klubla müqaviləsini pozmaq istəməyən “Kuban”ın çernoqoriyalı futbolçusu Nikola Nikeziçi buna döyərək məcbur ediblər.
Mütəmadi forma geyə bilməyən futbolçuya müqaviləsini birtərəfli qaydada pozmaq təklif edilsə də, təbii ki, o, buna razı olmayıb. Əvəzində o, transferə çıxarılmasını istəyib. Lakin bu istəyinin qarşısında Nikeziç üzləşdiyi gözlənilməz münasibəti internetə yerləşdirdiyi bu şəkillər və sözlərlə bütün dünyaya açıqlayıb:
“2010-cu ilin martında “Kuban”la iki illik müqavilə imzalamışdım. Klubun inkişafında yardımçı olmuşdum. Lakin bu il prezident mənə ehhtiyacları olmadığını və sözləşməmi birtərəfli qaydada ləğv etmək istədiklərini bildirdi. Mən isə bunu rədd etdim və transferə çıxarılmamı söylədim. Martın 7-də baş məşqçi Daniel Petresku da mənə yaxınlaşaraq, eyni sözləri söylədi və mən də istəyimi bildirdim. Əvəzində həmin vaxt otağa iki adam firərək məni dövməyə başladılar. 20 dəqiqəlik prosesin ardından önümə qoyulan kağızları imzalamaq məcburiyyətində qaldım”.
“Kuban”ın mətbuat xidməti bu iddiaları yalanlasa da, Nikeziçin olayla bağlı hətta UEFA və FIFA-ya da müraciət edəcəyi bildirilir.
