31 mart 2011 17:32
İqor Mitreski İrlandiya ilə oyunda meydana çıxmamasının səbəbini açıqladı
"Netçi"nin makedoniyalı futbolçusu İqor Mitreski AÇ-2012-nin seçmə mərhələsi çərçivəsində ölkəsinin yığmasına son oyunda kömək edə bilmədi. Azerisport.az xəbər verir ki, o, bu məsələyə münasibət bildirərkən aşağıdakıları söyləyib:
"Makedoniya yığmasının İrlandiya ilə görüşündə iştirak edə bilmədim. Buna səbəb zədəli olmağım idi. "Xəzər Lənkəran"la son çempionat oyununda belimdən zədə almışdım. Oyundan sonra ağrılarım daha da artmağa başladı. Düzdü, Makedoniya yığmasının baş məqşçisi Mirsad Yonuz mənim İrlandiya ilə seçmə mərhələnin oyununda meydana çıxmağımı istəyirdi. Yığmanın həkimlərinin müayinəsindən sonra oynaya bilməyəcəyim məlum oldu. Yığmamızın düşərgəsində olduğum müddətdə zədəmi müalicə etdirdim. Hazırda komandamın hazırlıqlarında iştirak edirəm” – deyə o, klubun rəsmi saytına açıqlamasında bildirib.
