31 mart 2011 00:48
UEFA Belçikanı cəzalandıra bilər
Belçika Futbol Federasiyası UEFA tərəfindən cəzalandırıla bilər. Azerisport.az xəbər verir ki, buna AÇ-2012-nin seçmə mərhələsi çərçivəsində Brüsseldə keçirilən Belçika – Azərbaycan görüşündən öncə yaranan qalmaqal şərait yaradıb.
Məsələ burasındadı ki, görüşdən öncə arenanın qarşısına xeyli sayda biletsiz fanat toplanıb. Onlar “Rua Boduen” stadionuna biletsiz daxil olmağa çalışsa da, təhlükəsizlik xidmətinin əməkdaşları ilə qarşıdurma yaradıblar. Yaranan xaosun qarşısını almaq istəyən arena rəhbərliyi isə olayların daha da böyüməsinə imkan verməmək üçün buraxılmayan azarkeşlərə pulsuz bilet paylamaq məcburiyyətində qalıb. Halbuki, onların bu addımı UEFA-nın reqlamentinə ziddi.
