4 aprel 2011 11:25
Flavinyo: Neftçi çempionluğa yaxındı
“Neftçi”nin braziliyalı yarımmüdafiəçisi Flavinyo komandasının “Qarabağ” üzərində qazandığı qələbədən sonra (2:0) azerisport.az saytının suallarını cavablandırıb.
- Siz “Qarabağ”ın 9oyunluq qələbə seriyasına son qoya bildiz. Təəssüratlarınız necədi?
- Düzünü deyim ki, mən onların bu qələbə seriyasına görə çox narahat idim. Artıq mənə məlum oldu ki, onlar niyə hamını ardıcıl məğlub edirmişlər. Bizə də onlarla oyun çox çətin alındı. “Qarabağ” çox sıx oynayır.
- “Neftçi” artıq 4-cü dəqiqədə hesabı açan kimi üstünlüyü rəqibə verdi. Bu həddən artıq riskli deyildi ki?
- Bu qəsdən atılmış addım idi. Öz qapımızın toxunulmazlığını saxlamaq və üstünlüyümüzü qorumaq çox vacib idi. Qol buraxmaq istəmirdik.
- Ağdamlılar sizlə elə də ciddi rəqabət apara bilmədilər...
- Bizim ikinci qolumuz vurulana kimi heç də asan deyildi. Ola bilər ki, qol vəziyyətlərinin keyfiyyətinə görə onlar elə də effektli görünmürdü. Amma meydanda onlarla mübarizə aparmaq heç də asan deyildi.
- Siz hər oyunda qol vurmağa davam edirsiz. Bahodir Nasimovu qabaqlamağa qərar verməmisiz?
- Bu haqda düşünmürəm. Amma qol vurmağa davam etmək istəyirəm. Hələlik hesabımda 8 qol var. Amma mövsümün sonuna kimi yəqin 15 qol həddinə çata bilərəm.
- Artıq komandanız ən yaxın izləyicisi “Xəzər Lənkəran”ı 6 xal qabaqlayır...
- “Xəzər Lənkəran” bizdən 7 xal geridə olan “Qarabağ”ı da hesabdan silməməlidi. Mümkündü ki, onlar yeni bir seriyaya başlamış olsunlar. Biz də öz növbəmizdə ən azı bu üstünlüyümüzü qorumalı, ya da fərqi artırmalıyıq. İstənilən halda çempionluğa yaxınıq.
- Nə qədər?
100 faiz olmasa da, buna yaxındı.
