6 aprel 2011 18:58
Zahid Oruc: Milli Məclis millimizin durumuna diqqət ayıra bilər
Milli Məclisin deputatı Zahid Oruc azerisport.az saytına müsahibəsində həmkarı Sabir Rüstəmxanlının yığmamızın üzvləri haqda söylədiyi fikirlərə münasibət bildirib, həmçinin millimizin hazırkı durumunun ölkə parlamentinin gündəliyinə çıxarılmasının mümkünlüyünü dilə gətirib:
- Bu yaxınlarda Milli Məclisin üzvü Sabir Rüstəmxanlı Azərbaycan yığmasının üzvlərini bir sürü qoyuna bənzətdiyini dilə gətirmişdi. Siz də müəyyən qədər futbol azarkeşi sayılırsız. Siz necə düşünürsüz, belə kəskin ifadələr nə dərəcədə düzgündü? Yoxsa onlar həqiqətən belə ağır ifadələrə layiqdilər?
- Bir qayda olaraq, mən həmkarlarımın fikirlərini şərh etməyi sevmirəm. Ancaq bilirəm ki, bu mövzuda müvafiq fikirlər səslənib və danışıqlar hələ də davam edir. Əlbəttə, hər bir vətəndaşımız arzu edir ki, Azərbaycanın futbol üzrə güclü yığma komandası olsun. Arzularını bildirərkən, hər kəs xüsusi emosiya nümayiş etdirə bilər. Hər bir kəsin xüsusi emosional ehtiyatı var. Amma problemə “tənqid və təhqir” müstəvisindən yanaşdıqda, hesab edirəm ki, ilk növbədə bu fikrin ünvanlandığı şəxslər reaksiya göstərməlidilər. Və kimsə hesab edirsə, bu fikirlər onun şərəf və ləyaqətinə toxunur, o, polemika və sağ müstəviyə müraciət edə bilər.
- Bəs uyğun fikirlər “milli hisslərin tənqidi” kimi qəbul edilməməlidi ki?
- Belə hallarda mən “münsiflər hakimi” olmaq istəməzdim. Müvafiq halda düzgün qərarın məhkəmə orqanları tərəfindən verilməsi daha düzgün olardı. Əlbəttə, hər halda, bu və ya digər reaksiya cəmiyyətdə qəbul edilmiş normativlərə uyğun şəkildə səslənməlidi.
- Əgər futbol üzrə yığmamızın uğursuzluqları davam edərsə və bu sahədə konkret böhran nəzərə çarparsa, mövcud problem parlamentdə müzakirəyə çıxarılmalıdımı?
- Baxmayaraq ki, qanunverici orqan bu sahədə konkret səlahiyyətlərə malik deyil, ancaq, kuluarlarda bu sual artıq müzakirə olunur və hətta tribunadan bir neçə dəfə bu mövzuda fikirlər səslənib. Əlbəttə, futbolun bütün dünyada populyarlığını, onun biznesin bəzi sahələrini əhatə etdiyini nəzərə alsaq, parlament bu mövzuya diqqət ayıra bilər.
- Ancaq digər tərəfdən, bütün bu tənqidlər Milli Məclisin digər deputatı, AFFA prezidenti Rövnəq Abdullayevə də çatır...
- Şəxsən, mən hesab etmirəm ki, bu fikirlər kimincə əleyhinə yönəlib. Fikrimcə, burda söhbət məhz futbol üzrə milli komandanın oyunundan gedir.
