6 aprel 2011 00:47
XL Qarabağ`la oyunun hazırlıqlarına Elnurlar və Kamran Ağayev olmadan başladı
Premyer Liqanın 25-ci turunun “Bakı” ilə səfər oyunundan sonra iki günlük istirahətə buraxılan “Xəzər Lənkəran” dünən bir araya gələrək paytaxtdan Lənkərana yola düşüb. Azerisport.az xəbər verir ki, günorta saatlarında mənzil başına çatan komanda üzvləri axşamüstü ilk məşqə çıxıblar və bununla da “Qarabağ”la qarşıdakı oyunun hazırlıqlarına start veriblər.
Elnur Allahverdiyev icazəli, Kamran Ağayev və Elnur Abdullayev isə soyuqdəyməli olduqlarından, Alim Qurbanov isə səhhətindəki yüngül narahatlıq səbəbindən məşqə qatılmayıb. Məşq isə demək olar ki, sona qədər topsuz çalışmalara həsr olunub.
Klub prezidenti Mais Mənsimov da məşqi sona qədər izləyib. Onunla birgə klubun icraçı direktoru Höccət Hacıyev və komandanın rəisi Səməd Musatafyev də məşqi izləyənlər arasında olub.
