9 aprel 2011 00:04
Çempiondan intriqa gözləntisi
Bu gün Premyer Liqanın 26-cı turunun oyunlarına start veriləcək. Azerisport.az xəbər verir ki, hesabat turu daha çox ikincilik uğrunda gərgin mübarizəyə səhnə olacaq “Qarabağ” – “Xəzər Lənkəran” görüşü ilə əlamətdar olacaq.
İlk oyun günündə yenə 3 qarşılaşma keçiriləcək ki, onlardan ikisi ikinci altılıq çərçivəsində baş tutacaq. Son iki pillədə qərarlaşan MOİK ilə “Simurq” Zaqatalada münasibətlərinə aydınlıq gətirəcək. Hər iki komanda elitayla vidalaşmağa əsas namizədlərdi. Lakin Qyoko Haciyevskili Zaqatala klubu zirzəmidəki rəqibini yenəcəyi halda şanslarını saxlamış olacaq. Halbuki, “hərbçirlər”lə son ev oyununda bu, onlara nəsib olmamışdı - 1:1. İlk dövrədəki səfər qarşılaşmasında isə məhz bölgə klubu qələbə qazanan tərəf olmuşdu – 2:0.
İkinci altılığın lideri “Qəbələ” isə elitada qalmaq üçün xala ehtiyacı olan digər komanda “Turan”ı qəbul edəcək. Toni Adamsın komandası ilk iki dövrədə baş tutan qarşılaşmalarda eyni hesablı (1:0) qələbələrə sevinmişdi. Hazırda motivasiyasız olan və qeyri-sabit çıxışı ilə diqqət çəkən Qəbələnin eyni adlı komandası yenə qələbə qazana bilər. Lakin xala ehtiyacı olan Tovuz təmsilçisinin çətin səfərdən xalla dönməsi də mümkündü.
İlk oyun günü birinci altılıqda mübarizə aparan lider “Neftçi”nin son çempion “İnter”lə səfər oyunu ilə yekunlaşacaq. Bu komandaların təsnifat mərhələsindəki qarşılaşmalar hazırkı çempion üçün uğursuz nəticələnmişdi. İlk oyunda 2:0 hesabıyla qələbə qazanan “ağ-qaralar” digər qarşılaşmada da 1:1 hesablı heç-heçəyə nail olmuşdular. Ötən tur əsas rəqiblərindən “Qarabağ” üzərində qələbə qazanmaqla, zirvədəki mövqeyini daha da yaxşılaşdıran “Neftçi” indi bu üstünlüyünü qorumağa çalışacaq. Amma “bankirlər”in də durumu ürəkaçan deyil və onlar son uğursuzluqlara son qoymaq üçün mütləq liderlə görüşdə qələbə qazanmalıdı. Onların liderə vuracağı zərbə isə şübhəsiz intriqanın yenidən qızışmasına səbəb ola bilər.
İkinci oyun günü “Gəncə” – “Muğan” dueliylə start götürəcək. Salyan klubu cari mövsüm bir çox sürprizlərə imza atmağı bacarsa da, qərb təmsilçisi ilə görüşlərdə qələbəyə həsrətdi. Onların Gəncəyə son səfəri 3 cavabsız qollu darmadağınla yekunlaşmışdı. Evdəki oyun isə 1:1 hesablı heç-heçə ilə başa çatmışdı. Lakin bu dəfəki duel daha çox formal xarakter daşıyır. Qarşılaşma yalnız Mehman Alllahverdiyevin “Gəncə” ilə ilk qələbəsini rəsmiləşdirməsi baxımından yaddaqalan ola bilər. Hansı ki, bunun sayəsində qazanılacaq 3 xal sayəsində qərblilər “Muğan”la aralarındakı xal fərqini azalda bilər.
Günün digər iki qarşılaşması isə kifayət qədər vacib əhəmiyyət daşıyır. Ötən tur doqquz oyunluq qələbə seriyası “Neftçi” ilə qarşılaşmada qırılan “Qarabağ” üçün indi yenidən ikinci pilləyə qayıtmaq şansı var. Lakin onlar bunun üçün çempionluq uğrunda mübarizə aparan “Xəzər Lənkəran”a qalib gəlməlidilər. Hansı ki, son turlardakı xal itkilərini unutdurmaq üçün mütləq çətin səfər matçında 3 xal qazanmağı hədəfləyib.
Təbii ki, bu komandaların duelində heç-heçə də qeydə alına bilər ki, bu, cənub təmsilçisini ikinci pillədə saxlaya bilər. Amma “Neftçi” çempionla oyunda qələbə qazansa, bu heç-heçə nə Ağdam, həm də Lənkəran klubunun işinə yarayacaq. Maraq üçün onu da xatırladaq ki, bu mövsüm baş tutan ilk iki oyunda tərəflər heç-heçəyə razılaşmayıb. Ağdamlılar ev oyununda 0:1, lənkəranlılar isə 1:2 hesabıyla məğlub olublar.
Nəhayət, hesabat turuna AZAL – “Bakı” matçıyla yekun vurulacaq. Qarşılaşma daha çox “təyyarəçilər”in Şüvəlanda inşa etdirdiyi yeni stadionun açılışı ilə yaddaqalan olacaq. Cari mövsüm heç cür özünü doğrulda bilməyən “zolaqlılar” onlardan fərqli hər kəsi təəccübləndirməkdə davam edən AZAL-a qarşı uğursuz oyunlara son qoymalıdı. Nazim Süleymanovun komandası cari mövsüm bu rəqibini bir dəfə məğlub edib (3:2), digərində isə qolsuz heç-heçə qeydə alınıb. Ötən tur son çempion “İnter”i məğlub etməklə 4-cü pilləni ələ keçirən “təyyarəçilər” həmin mövqeyini əldən verməmək üçün mütləq bu qarşılaşmadan qələbə ilə ayrılmalıdı. Amma son turda “Xəzər Lənkəran”dan xal alan Aleksandr Starkovun yetirmələri heç də asanlıqla yenilənə oxşamır.
Premyer Liqa
26-cı tur
9 aprel (şənbə)
Simurq - MOİK
AFFA nümayəndəsi: Əliyar Xanəliyev.
Hakim-inspektor: Səfər Haşımov.
Zaqatala. Şəhər stadionu. saat 15:00.
Turan - Qəbələ
AFFA nümayəndəsi: Eldar Qasımov.
Hakim-inspektor: Fazil Mürşüdov.
Tovuz. Şəhər stadionu. Saat 15:00
İnter - Neftçi
AFFA nümayəndəsi: Namiq Məstanov.
Hakim-inspektor: Asim Xudiyev.
Bakı. "Şəfa" stadionu. Saat 17:00.
10 aprel (bazar)
Gəncə - Muğan
AFFA nümayəndəsi: Ramiz Əliyev.
Hakim-inspektor: Rüfət Hüseynov.
Gəncə. Şəhər stadionu. Saat 15:00.
Qarabağ - Xəzər Lənkəran
AFFA nümayəndəsi: Oqtay Abdullayev.
Hakim-inspektor: Məlik Həsənov.
Bakı. Tofiq İsmayılov adına Suraxanı qəsəbə stadionu. Saat 16:00.
AZAL - Bakı
AFFA nümayəndəsi: Qürbət Həsənov.
Hakim-inspektor: Akif Məmmədov.
Şüvəlan qəsəbəsi, AZAL stadionu. Saat 18:00.
|
1
|
Neftçi
|
25
|
16
|
7
|
2
|
44-10
|
55
|
|
2
|
Xəzər Lənkəran
|
25
|
14
|
7
|
4
|
29-14
|
49
|
|
3
|
Qarabağ
|
25
|
15
|
3
|
7
|
33-16
|
48
|
|
4
|
AZAL
|
25
|
11
|
9
|
5
|
29-17
|
42
|
|
5
|
İnter
|
25
|
12
|
5
|
8
|
25-20
|
41
|
|
6
|
Bakı
|
25
|
9
|
8
|
8
|
29-23
|
35
|
|
|
|||||||
|
1
|
Qəbələ
|
25
|
9
|
9
|
7
|
23-17
|
36
|
|
2
|
Muğan
|
25
|
8
|
7
|
10
|
18-26
|
31
|
|
3
|
Gəncə
|
25
|
5
|
10
|
10
|
24-30
|
25
|
|
4
|
Turan
|
25
|
6
|
6
|
13
|
20-35
|
24
|
|
5
|
Simurq
|
25
|
3
|
6
|
16
|
14-38
|
15
|
|
6
|
MOİK
|
25
|
1
|
5
|
19
|
7-49
|
8
|
Bombardirlər:
15 - Bahodir Nasimov (Neftçi)
12 - Georgi Adamiya (Qarabağ)
10 - Rauf Əliyev (Qarabağ)
