9 aprel 2011 13:21
ŞOK: Millinin toplanışı keçirilməyəcək!
Xəbər verdiyimiz kimi, aprelin 11-dən 14-dək Bakı şəhərində Azərbaycan milli komandasının təlim-məşq toplanışı keçirilməli idi. Lakin azerisport.az AFFA-nın rəsmi saytına istinadən xəbər verir ki, bu toplanış keçirilməyəcək.
Bununla əlaqədar milli komandanın baş məşqçisi Berti Foqts belə açıqlama verib: “Çempionatın hazırkı mərhələsində klubları nəzərə alaraq, Azərbaycan millisinin aprelin 11-dən 14-dək planlaşdırılan təlim-məşq toplanışını keçirməyəcəyik. Tibbi müayinə və dopinq-test əvvəlcədən nəzərdə tutulduğu kimi, aprelin 18-dən 21-dək Almaniyada təşkil olunacaq. Ölkə kubokunun finalına yüksəlməyən klublardakı millinin üzvləri mayın 20-dən iyunun 8-dək Qazaxıstan və Almaniya yığmalarına qarşı oyunlara hazırlaşacaqlar. Ölkə kubokunun finalında çıxış etmiş futbolçular mayın 26-da millinin heyətinə qoşulacaqlar. Qarşılıqlı əməkdaşlığa görə dərin minnətdarlığımı bildirir və bütün klublara öz məqsədlərinə çatmağı arzulayıram”.
