10 aprel 2011 13:30
Bayern Lui van Qalı qovdu
Son Almaniya çempionu “Bayern”də gözlənilən istefa gerçəkləşib. Azerisport.az xəbər verir ki, Münhen təmsilçisinin rəhbərliyi cari mövsümkü uğursuz gedişin acığını baş məşqçi Lui van Qaldan çıxıb və onu qovmağa qərar verib.
Çempionlar Liqasından dramatik şəkildə kənarda qalan, Bundesliqada isə çempionluq yarışından çox kənar qalan “Bayern” bu addımı məhz bu gün səhər atmaq qərarına gəlib. Buna isə dünənki “Nurnberg”lə səfər oyununda qeydə alınan növbəti xal itkisi rəvac verib.
Qeyd edək ki, təcrübəli çalışdırıcı özü də bir qədər öncə komandanı mövsümün sonunda buraxacağını açıqlamışdı. Lakin rəhbərliyin onu daha tez postundan kənarlaşdırması nəticəsində komandanı bundan sonrakı oyunlara Andries Yonker çıxaracaq.
