10 aprel 2011 12:38
XL 500 minlik rumıniyalı yarımmüdafiəçi almağa hazırlaşır
“Xəzər Lənkəran” hələ də Rumıniyanın “Steaua” klubunun yarımmüdafiəçi Banel Nikolitanı almağa əsas iddialılardan hesab olunur. Azerisport.az xəbər verir ki, bu haqda Rumıniya mətbuatı informasiya yayıb.
Məsələ burasındadı ki, sözügedən klubun sahibi Cici Bekali artıq komandadakı atmosferin dəyişməsinə ehtiyac olduğunu dilə gətirib. Bu üzdən bəzi oyunçularla yanaşı, Nikolitanın da satılması planlaşdırılır.
Qeyd edək ki, qış transfer pəncərəsi dövründə Mirça Rednik bu futbolçunu komandasına gətirmək üçün çox çalışsa da, qarşı tərəf onu buraxmaq istəməmişdi. Lakin onların fikrinin dəyişməsi nəticəsində Nikolitanın yenə “Xəzər Lənkəran”a gəlməsi perspektivi yaranıb. Hücumameylli yarımmüdafiəçinin transfer qiyməti isə 500 min avrodu.
