11 aprel 2011 17:31
Aleksandr Starkovu məhkəməyə verdilər
“Bakı”nın və Latviya millisinin baş məşqçisi Aleksandr Starkov məhkəməyə verilib. Azerisport.az xəbər verir ki, bu haqda Latviya mətbuatı məlumat yayıb.
Bu ölkədən olan həmkarlarımızın iddiasına görə, sözügedən mütəxəssisin bir şirkətin sahibinin qızı Alla Yuraşi ilə mülk üstündə davası düşüb. Tərəflərin hər ikisi 727 kvadratmetr ərazi və içərisindəki villanın ona məxsus olduğunu iddia edir.
Qeyd edək ki, 1994-cü ildə Starkov o vaxt sağ olan şirkət rəhbəri Aleksandr Yuraşidən bu ərazinin səhmlərini satın alıb. Ancaq 2005-ci ildə Latviya Dumasının mülklərin qanuniləşdirilməsi ilə bağlı qərarından sonra Alla Yuraşi bu ərazidə olan mülkün onun atasına məxsus olduğunu iddia edərək, Strakovdan məhkəməyə şikayət edib. 2008-ci ildə bu proseslə bağlı Yurmala məhkəməsi məşqçinin lehinə qərar çıxarıb. Bu qərarla razılaşmayan Yuraşi apelyasiya verməklə, mütəxəssisin yenidən məhkəmə qarşısında cavab verməsini istəyir. Məsələyə Riqanın bölgə məhkəməsində baxılacağı gözlənilir.
