13 aprel 2011 14:39
Mahir Şükürov: Adams çoxdan məni komandasında görmək istəyirdi
“Qəbələ”nin yeni müdafiəçisi Mahir Şükürov bu komandaya keçidi ilə bağlı fikirlərini açıqlayıb. Azerisport.az xəbər verir ki, millimizin üzvü bu günkü təqdimat mərasimində bölgə təmsilçisinə keçidi ilə bağlı bunları dilə gətirib:
“Dünən klub rəhbərliyi ilə söhbət etdik. Sağ olsunlar ki, mənim üçün belə şərait yaratdılar. Toni Adamsın özü mənimlə birgə çalışmaq istədiyini dedi ki, mən də buna razılıq verdim. Hazırda “Qəbələ” inkişaf mərhələsindədi və mən də prosesdə iştirak etmək istəyirəm. Onlar mənimlə hələ Belçika ilə oyuna kimi maraqlanırdılar. Adams çoxdan məni komandasında görmək istəyirdi. Lakin “Anji” ilə müqaviləm olduğuna görə, mənə rəsmi təklif irəli sürmürdülər. Bilirdilər ki, Mahaçqala klubunu tərk etməyəcəm. Artıq sabahdan “Qəbələ”də məşqlərə başlayacağam”.
