13 aprel 2011 17:24
Neftçi`dən daha bir veteran futbolçusuna diqqət (FOTO)
Bu günlərdə "Neftçi"nin veteran futbolçusu Akif Fəttahovun 70 yaşı tamam olub. Azerisport.az xəbər verir ki, bu məqsədlə bu gün paytaxt klubunun bazasına dəvət olunan yubilyarla klub rəhbərliyi, məşqçilər və futbolçular arasında görüş olub.
Akif Fəttahova "Neftçi"nin forması və qiymətli hədiyyə təqdim edilib. Sonra xatirə şəkilləri çəkdirilib.
Veteran futbolçu bununla bağlı fikirlərini də bildirib: "Mənə göstərilən diqqətə görə "Neftçi" PFK-nın prezidenti Sadıq Sadıqov başda olmaqla klub rəhbərliyinə minnətdaram. Flaqmanın rəhbərliyi həmişə veteranlara qayğı göstərməsi ilə seçilib. Yeri gəlmişkən, komandanın bu mövsümkü oyunu məni sevindirir. Komandadakı irəliləyiş göz qabağındadır. "Neftçi" çempion olmağa ən real namizəddir. Bunda klub rəhbərliyinin və məşqçilər korpusunun böyük əməyi var. Yerli məşqçilərə və futbolçulara güvəndiyinə, şans verdiyinə görə klub prezidentinə xüsusi təşəkkürümü bildirirəm" – deyə o, klubun rəsmi saytına açıqlamasında bildirib.
