13 aprel 2011 18:31
Ramiz Məmmədovun komandası 1/8 finalda Tobol`la qarşılaşacaq
Bu gün Qazaxıstan kubokunda 1/16 final mərhələsinin oyunları keçirilib. Azerisport.az xəbər verir ki, bu qarşılaşmalardan sonra artıq həmyerlimiz Ramiz Məmmədovun çalışdırdığı “Atırau” klubunun da növbəti mərhələdəki rəqibinin kimliyinə aydınlıq gəlib.
Belə ki, ilk mərhələdə “Astana” ilə qarşılaşan və rəqibini iki cavabsız qolla keçən Ramiz Məmmədovun yetirmələri 1/8 finalda “Tobol”la münasibətlərinə aydınlıq gətirəcək. Hansı ki, rəqib meydanında baş tutacaq bu görüşdə qalib gələn tərəf növbəti mərhələyə vəsiqə qazanmış olacaq.
Qeyd edək ki, “Atırau”nun 1/8 finaldakı rəqibi Qazaxıstanın aparıcı klublarından hesab olunur. Bu komanda ilk mərhələdə ÇSKA ilə qarşılaşmada çətin qələbəyə (əsas vaxt 1:1 başa çatdığından oyun sonrası penaltilərlə 4:3 qalib gəlib) sevinsə də, Ramiz Məmmədovun komandası ilə qarşılaşmanın favoriti hesab edilir. Qeyd edək ki, 1/8 finalın oyunları aprelin 20-də keçiriləcək.
