14 aprel 2011 12:10
“Qarabağ`da hansısa böhrandan danışmaq yersizdi”
“Qarabağ” Premyer Liqanın növbəti turunda qarşılaşacağı “Bakı”yla oyunun hazırlıqlarını tam sürətlə davam etdirir. Azerisport.az xəbər verir ki, gündə bir dəfə olmaqla məşqlərini Suraxanı qəsəbə stadionunda davam etdirən komandada itki yoxdur.
“Xəzər Lənkəran”la sonuncu oyundan öncə zədələnərək sıradan çıxan Devran Ayhan da sıraya dönüb. Artıq çalışmalarda tam gücüylə məşq edən türkiyəli yarımmüdafiəçinin meydana çıxması üçün heç bir problem yoxdu. Devranı hazırkı durumu haqda isə bunları dilə gətirib:
“Xəzər Lənkəran”la oyundan öncə sağ dizimdən zədə almışdım. Daha dəqiq desək, ayağıma qan yığılmışdı. Amma şükürlər olsun ki, indi problem aradan qalxıb. Tam sərbəst məşq edirəm. Oynamamağım üçün heç bir problem yoxdu”.
Devran çempionatın geridə qalan hissəsini də dəyərləndirib: “Olduqca gərgin çempionat keçir. Heç bir oyunun nəticəsinin öncədən deyə bilməzsən. “Qarabağ” olaraq əla formadayıq. Heyətimiz yetərincə genişdi. Son 2 oyunda qələbə qazana bilməsək də, hər hansısa böhrandan danışmaq yersizdi. Özəlliklə, son oyunda heç də pis çıxış etmədik. Sadəcə qol vura bilmədik. Qarşıdan “Bakı”yla oyun gəlir. Bakı təmsilçisi cari mövsüm heç də qənaətbəxş çıxış etməsə də, təhlükəli komandadı. Qələbə qazanmaq istəyəcəklər. Ona görə də maraqlı oyun olacağını düşünürəm”.
