17 aprel 2011 14:50
Vüsal Əliyev ikinci altılığın oyununa göndərildi
Hakimlər Komitəsi Premyer Liqanın 27-ci turunun "Qəbələ" - "Simurq" və MOİK - "Gəncə" oyunlarına hakim təyinatlarını açıqlayıb. Azerisport.az xəbər verir ki, Qəbələdəki oyun FİFA referisi Vüsal Əliyevin, MOİK - "Gəncə" qarşılaşması isə Hacıəli Ağayevin rəhbərlik etdiyi hakimlər briqadasına tapşırılıb.
Bu oyuna təyinatları qarşılaşmadan cəmi 15 dəqiqə öncə açıqlayan HK və PFL təxminən 1 saatda sonra başlayacaq “Neftçi” – AZAL matçına təyinatları hələlik gizli saxlamağa üstünlük verib.
Premyer Liqa
27-ci tur
Qəbələ - Simurq
Hakimlər: Vüsal Əliyev, Aydın Ələkbərov, Knyaz Əmiraslanov, Orxan Məmmədov.
AFFA nümayəndəsi: Maşallah Əhmədov.
Hakim-inspektor: Şahin Cəfərov.
Qəbələ şəhər stadionu. Saat 15:00.
MOİK - Gəncə
Hakimlər: Hacıəli Ağayev, Coşqun Həsənov, İsgəndər Əliyev, Ceyhun Haşımov
AFFA nümayəndəsi: Sakin Məmmədzadə
Hakim-inspektor: Qurban Məmmədov
"Bakı" FK-nın təlim-məşq bazasının stadionu. Saat 15:00
