17 aprel 2011 21:56
İngiltərə kubokunda finalçıların adları müəyyənləşdi (YENİLƏNİB)
İngiltərə Federasiya kubokunda yarımfinal mərhələsinin oyunları keçirlib. Azerisport.az xəbər verir ki, ilk oyun günündə 1 qarşılaşma baş tutub.
“Manchester City” dogma meydanda “Manchester United”i qəbul edib. Mançester derbisində daha güclü olduğunu sübut edən MC bir oyundan ibarət bu mərhələni uğurla adlayaraq, adını finala yazdırıb.
Digər yarımfinal görüşü isə bu gün "Bolton"la "Stoke City" arasında baş tutub. Qarşılaşmada tərəflərin şansları bərabər qiymətləndirilsə də, sonda qonaqlar 5 cavabsız qolla bir qədər sürpriz qələbə ilə həlledici oyuna vəsiqə qazanıblar.
Beləliklə, İngiltərə kubokunun finalında "Manchester City" və "Stoke City" klubları üz-üzə gələcək.
İngiltərə Federasiya kuboku
Yarımfinal
16 aprel
Manchester City - Manchester United – 1:0
Qol: Yaya Ture, 52.
17 aprel
Bolton - Stoke City - 0:5
Qollar: Eterington, 11, Hut, 17, Jones, 30, Uolters, 68; 81.
