18 aprel 2011 18:36
Galatasarayı və Türkiyəni qarışdıran forma qalmaqalı (VİDEO)
Tarixinin ən pis mövsümünü keçirən Türkiyənin "Galatasaray" klubu bu dəfə də forma qalmaqalı ilə sarsılıb. Azrisport.az xəbər verir ki, bir müddət əvvəl yeni formalara qovuşan "Galatasaray"lı futbolçular formaya qarşı təhqiramiz ifadələr səsləndiriblər.
Aşağıdakı videodan da aşkar görünür ki, kapitan Arda Turan, vitse-kapitan Ayhan Akman, Sabri Sarıoğlu və Mustafa Sarp forma barədə təhqiramiz ifadələr səsləndirir. Bütün bunlar həmin dövrdə idman direktoru olan Adnan Sezginin gözləri qarşısında baş verir. Amma klub rəsmisi onları susdurmaq əvəzinə, etirazlarını anlamağa çalışır.
Bütün bunlar isə Türkiyə futbolunda aləmi bir-birinə qatıb. Belə ki, bu videonun mətbuata necə yol açmasından baş açmayan və baş verənlərdən sarsılan Arda Turan, eləcə də “Galatasaray” klubu artıq günahkarların axtarışına başlayıb. Onlar buna görə hətta görüntülərin ilk olaraq yayımlandığı TRT kanalını məhkəməyə verməyi də unutmayıb. Çünki həmin çəkilişlər o dövrdə reklam çarxı üçün hazırlıqlar zamanı gerçəkləşib və heç də ictimaiyyət önünə çıxarılmaq üçün nəzərdə tutulmayıb.
