18 aprel 2011 00:16
Neftçi azarkeşlərindən Kamran Ağayevə xoşagəlməz jest
Şənbə günü "İnter"lə heç-heçə (1:1) edən "Xəzər Lənkəran"ın futbolçularına bir günlük istirahət verilib. Azerisport.az xəbər verir ki, dünən səhər məşqindən sonra komanda istirahətə buraxılıb.
Fürsətdən yararlanan bir neçə futbolçu Bakıya üz tutub. Bakıya gələn futbolçulardan biri də Kamran Ağayev olub. Qolkiper fürsətdən istifadə edərək, Tofiq Bəhramov adına Respublika stadionunda keçirilən "Neftçi" - AZAL oyununu da izləyib. Lakin Kamran heç də yaxşı qarşılanmayıb. Belə ki, matçda 3-cü qol vurulandan sonra (2:1) bəzi "Neftçi" fanatları üzlərini Kamrana tutaraq "Xəzər qaz" qışqırıblar.
Qeyd edək ki, "Xəzər Lənkəran" aprelin 19-da toplaşacaq və həmin komanda Lənkəranda səhər məşqinə çıxacaq.
