19 aprel 2011 18:17
Bayern Cavadovun qol vurduğu qapıçıya 20 milyon avro verir
Almaniya Bundesliqasının ötənmövsümkü qalibi “Bayern” yeni qapıçı axtarışlarını davam etdirir. Azerisport.az xəbər verir ki, Münhün klubunun rəhbərliyinin təcrübəli qolkiper Manuel Noyer ələ keçirmək üçün “Schalke”yə 20 milyon avroluq təklif irəli sürdüyü iddia olunur.
Son çempionun Almaniya millisinin də şərəfini qoruyan bu qapıçıya 4 illik müqavilə təklifi irəli sürdüyü bildirilir. “Bild”in iddiasına görə, “Schalke” ilə anlaşması 2012-ci ildə bitəcək Noyer özü də bu dəvəti qəbul etməkdə maraqlıdı. Maraqlıdı ki, “Schalke” rəhbərliyi öz oyunçusuna qalacağı halda 3 illik müqavilə üçün 21 milyon avro təklif edib.
Qeyd edək ki, Almaniya millisi AÇ-2012-nin seçmə mərhələsi çərçivəsində yığmamızla eyni qrupda yer alıb. Komandamız bu rəqibinə səfərdə 1:6 hesabıyla uduzduğu oyunda Bundestimin qapısını məhz Noyer qoruyurdu və o, Vaqif Cavadovun yerinə yetirdiyi künc zərbəsi zamanı kobud səhvə yol verərək, qapısında qol görmüşdü. Hansı ki, o qol Noyerin cari seçmə tsikldə buraxdığı yeganə topdu.
